بلوچستاب لبریشن فرنٹ نا ترجمان میجر گہرام تینا شنگ کروک بیان ئٹ پارے کہ اینو 07 مئی 2025 آ ویگ ئنا 2:30 بجہ غا بی ایل ایف نا سرمچارک خاران شار ئٹی باب ِ خاران نا خڑک ڈی آئی جی کمپلیکس نا جوڑشتی کاریم نا مشین تے بھس کننگ کن ہراتم اوڑے رسینگار تو کمپلیکس نا رکھوک آ کارندہ غاک سرمچار آتے خننگ تون اوار اوفتے آ جلہو کریر۔ بلوچ سرمچارک پولیس نا کارندہ آتے وے جنگ کننگ کن 10 منٹ ئنا وخت تسُر ولے پولیس کارندہ غاک سرمچار آتا جوانی ئے اوفتا نزوری پہہ مرِسہ اوفتے آ سمکاری ئے برجاء تخار، ہراڑان سرمچارک پولیس آ جوابی جلہو کریر۔
او پارے کہ سرمچار آتا جوابی جلہو ئٹی اسہ پولیس کارندہ عبدالقیوم نوشکی نا ہندی ٹپی مسک، ہراڑان گُڈ پولیس نا کارندہ غاک سرمچار آتا مونا سلاہ بٹیر۔ سرمچارک پولیس کارندہ آتے دزگیر کرِسہ اوفتا سلاہ تے ہلکُر و اوفتے خبڑدار کرِسہ یلہ کریر۔
ترجمان پارے کہ بلوچستان لبریشن فرنٹ خاران ڈی آئی جی پولیس کمپلیکس نا جوڑشتی کاریم نا رکھوک آ پولیس کارندہ تا سلاہ تے ہلنگ نا ذمہ واری ئے ہرفک و میڈیا نا ذریعت ئٹ پولیس ئٹ کاریم کروک کارندہ غاتے اسہ وار پین خبڑدار کینہ کہ آزاتی نا دا جنگ ئٹی کوزہ گیر ریاست و اونا وحشی آ لشکر نا کمک کار جوڑ مننگ و سرمچار آتا مونا ہڑاند مننگ آن تینے تورِر نہ تو اوفتو کوزہ گیر لشکر نا وڑ ئٹ روشت کننگ مرو۔
