بلوچستان لبریشن فرنٹ نا ترجمان میجر گہرام بلوچ میڈیا ٹی شنگ کروک تینا درشان ئسیٹی پارے کہ سرمچار ذاکر حسین عرف سمیع بلوچ ولد عبدالخالق رودینی سوراب، دمب ئنا ہندی، 13 اپریل 2025 آ سوراب ئٹی پاکستانی لشکر نا بھلنی ٹی کاریم کروکا ڈیتھ اسکواڈ نا کارندہ غاتا سُمکاری آن شہید مس۔
ترجمان پارے کہ شہید ذاکر حسین نا آجوئی کن سرمچار ئسے نا حیثیت ئٹ سفر 2018 ٹی بناء مس وختس او آجوئی و شرف کن جنگ ئٹی بی ایل ایف ئٹی اوار مس۔ او اسہ ایماندار و دلیرو سرمچار ئس اسک۔ اودے باور اسک کہ بلوچ اسہ آجو و خودمختار وطن ئٹی تولنگ نا حقدار ءِ، ریاستی زوراکی تیان نہ اونا یخین نزور مس و نئے جہد ئٹی ہچ وخت اونا گھامک سلیسُر۔
ترجمان پارے کہ کوزہ گیر ریاست نا پارہ غان بے کچ سختی و خطرہ تتون مون تننگ آن پد ہم ذاکر حسین بلوچ قوم کن تینا جہد ئٹی ثابت قدم مس۔ اودے 2020 ئٹی کوزہ گیر نا ریاستی انٹیلی جنس ایجنسیک زوراکی ئٹ بیگواہ کریر، بلوچ باسک و جہدکار آتے بے توار کننگ کن زوراکی نا دا چم بازی ہرادے کوزہ گیر ریاست کارمرز کیک۔ ہشت توو جیل ئٹ تصور آن ڈنّو زوراکی و بیدادی سگنگ آن پد ہم اونا جذبہ و عزم ثابت قدم اسک۔ آجوئی کن اونا عزم ئے پرغنگ نا بےسوب کوشست کرے بلے بےسوب مس۔ آجوئی آن پد او پین جوش و عزم تون تینا جہد ئٹی واپس بس و بی ایل ایف نا شاری نیٹ ورک ئٹی مرسا دشمن نا برخلاف کیہی کاروائی تیٹی بشخ ہلک۔
ترجمان پارے کہ اونا بہادری و قربانیک بلوچ آجوئی نا جہد ئٹی بروکا نسل آتیکن روشنو کسر ئس مرور۔ سرمچار ذاکر حسین عرف سمیع نا قربانیک زوال مفرور و بلوچ آجوئی نا جہد ئٹی اونا کڑد و عمل مُدام ننا راہشونی ئے کرو۔
