بلوچستان نا ضلع خاران ئٹی باب خاران نا خُڑک نادُرست آ سلاہ بند بندغ آک ڈی آئی جی پولیس آفس کمپلیکس آ جلہو کریر۔
حوال تروک آتا رد ئٹ کمپلیکس آ برجاء تعمیراتی کاریم نا وخت آ جلہو کننگانے، ہرانا سوب آن پولیس کارندہ ئس ٹپی مسُنے۔
ٹپی مروکا پولیس کارندہ نوشکی نا جہی محمد حنیف نا مار عبدالقیوم نا پن ئٹ درست مسُنے، ہرادے المی جانجوڑی کمک تننگ مننگ ءِ۔
جلہو آن پد سلاہ بند بندغ آک پولیس کارندہ غاتا سرکاری سلاہ تے ہرفیر ہنار۔
تدینی آن پد لشکری کارندہ غاک علاقہ ئے گھیرہ کرسا جلہوکار تا پٹ و پول ئے بناء کریر۔
