بی ایل ایف نا ترجمان میجر گہرام بلوچ میڈیا ٹی شنگ کروک تینا درشان ئسیٹی پارے کہ شش مئی نا نن ہشت بجہ نا وخت آ بی ایل ایف نا سرمچارک خاران شار ئنا ریڈ زون ئٹی کوزہ گیر ملٹری انٹیلی جنس نا دفتر ئے خُڑک آن جلہو ئٹی ٹک کریر، ہرانا سوب آن دشمن ئے جانی و مالی نسخان ہرفوئی تما۔
او پارے کہ شش مئی ئنا دے اسہ پین کاروائی ئسیٹی بی ایل ایف نا سرمچارک نن ئنا دہ بجہ نا وخت آ سوراب نا ہند ماراپ ئٹی اسہ کنسٹرکشن کمپنی ئسے نا کریش پلانٹ ئے جلہو کرسا کُل مشین تے نسخان تسر۔
ترجمان ایسر ئٹ پارے کہ دا جلہو تا زمہ واری ئے بی ایل ایف ہرفک و بلوچستان نا آجوئی اسکان کوزہ گیر لشکر و شونداری نا پن آ فوجی ئنا ہن ئہ بر و بلوچ ڈیہہ ئنا مڈی تا لُٹ ئہ پُل ئے ارزان کروکا پن ئنا ڈٹ بندی تے ٹک کرسا کرون۔
