پاکستانی لشکر نا کنڈ آن پاننگانے کہ 6 و 7 مئی نا نیامیکو نن انڈیا نا کنڈ آن پاکستان نا شش جہہ آ جلہو کننگا ہرافتیٹ 26 شاری کھسکنو و 46 ٹپی ءُ۔
پاکستانی لشکر نا ترجمان لیفٹیننٹ جنرل احمد شریف چوہدری نا تروک شابیت حوالک دُن ءُ:
احمد پور ایسٹ ئٹ مسجد سبحان اللہ ئے ٹِک کننگا ہراڑے 13 بندغ کھسکر۔ کہوکا تیٹ مُسہ سال ئنا اِرا چُنا، ہفت زالبول و چھار نرینہ اوار ءُ۔ احمد پور ایسٹ ئٹ 37 بندغ ٹپی مسنو، ہرافتیٹ نُہہ زالبول و 28 نرینہ اوار ءُ۔
مظفر آباد نا خُڑک مسجد بلال ئے ٹِک کننگا، اوڑے مُسہ بندغ کھسکنو و اسہ مار و مسڑ ئس ٹپی ءُ۔
کوٹلی ئٹ مسجد عباس ئے ٹِک کننگا، ہراڑان 16 سالی مسڑ و 18 سال ئنا مار ئس کھسکنو۔ لمّہ و مسڑ ٹپی ءُ۔
مریدکے ٹی مسجد ام القرہ ئے ٹِک کننگانے، ہراڑے مُسہ نرینہ کھسکنو و اسٹ ٹپی مسنے۔
سیالکوٹ و شکر گڑھ ئٹ ہچ وڑ ئنا جانی نسخان تا حوال اف۔
پاکستانی لشکر نا ترجمان نا رد ئٹ لائن آف کنٹرول آ انڈیا نا کنڈ آن سمکاری نا سوب آن پنچ شاری کھسکنو ہرافتیٹ پنچ سال ئنا اسہ چُناس ہم اوار ءِ۔
