حوال تا رِد ئٹ اینو ویگہ نا دو بجہ غا کیچ ئنا ہند زامران کوتان ئٹی پاکستانی لشکر نا اسہ چوکی ئسے آ سلاہ بند بندغ آک جلہو کریر۔
حوال تروکا تا رد ئٹ جلہو آن پاکستانی لشکر ئے جانی و مالی نسخان رسینگانے۔
ایلو پارہ غا کلانچ امبی و تلار نا ہند آ درو نادرست آ سلاہ بند بندغ آک پولیس چوکی و موبائل ٹاور ئسے آ جلہو کریر۔ جلہو ئٹ ٹاور نا مشین تے خاخر تِسُر۔ اندُن پولیس چوکی ئے ہم نسخان رسینگا۔
اسہ پین کاروائی ئسیٹی پَنجگُور نا ہند پروم ئٹی نادرست آ سلاہ بند بندغ آک پاکستانی لشکر کن راشن دروک اسہ اُلاخ ئسے تینتون دریر۔
دائسکان دا کاروائی تا ذمہ واری ئے ہچو تنظیم ئس ارفتنے۔
