بلوچستان لبریشن فرنٹ نا ترجمان میجر گہرام بلوچ میڈیا غا شنگ کروک تینا بیان ئٹ پارے کہ چھار مئی 2025 آ بی ایل ایف نا سرمچارک دے ئنا 12 بجہ غان نن ئنا 5 اسکان پیراندر کنیرا نا ہند آ آواران مشکے نا دگ ئے تفِسہ پٹ ئہ پول کریر۔
او پارے کہ پٹ ئہ پول نا وخت آ ہراتم پولیس نا اسہ ٹولی ئس بیدس سرکاری سلاہ آن ایمبولینس گاڑی ئسے ٹی سر مسُر تو سرمچارک اوفتتون مہر و شرف ئٹ تران کریر و اوفتِہ ہِننگ نا موکل تسُر۔ و اسہ جہہ ئسے آ لوکل گاڑی ئس دشمن لشکر کن مڈی دننگ اس تو سرمچارک مڈی تِہ دوئی مسُر ہُشار۔ واہم اُلاخ نا خواجہ ئے پُہہ کننگ آن پد یلہ کننگا۔
ترجمان پارے کہ بی ایل ایف آواران و مشکے روڈ ئنا کسر ئے تفنگ و اسنیپ چیکنگ نا ذمہ واری ئے ہرفک و الس آن خواست کیک کہ کسر تا تفنگ نا وخت آ سرمچار تا پنت آتیا سوبری ئٹ عمل کیر تاکہ سرمچارک دشمن تاغت آتا دو آن نسخان آن تینے رکھنگ کیر۔
