چاگڑدی میڈیا نا ویب سائیٹ ایکس آ ڈاکٹر ماہرنگ بلوچ تینا درشان ئٹی پارے کہ دوشمبے 15 جنوری آ نن پاکستان ئٹی اقوام متحدہ نا مشن نا مُسکوہی چیف مشن میو ساتو ، ہراکہ پاکستان ئٹی انٹرنیشنل آرگنائزیشن فارما ئیگریشن ( آئی او ایم) نا چیف مشن ہم ارے ، اقوام متحدہ نا ریزیڈنٹ کوآرڈینیٹر آفیسر خواجہ شاہ ناصر خان و اقوام متحدہ نا مواصلاتی مشیر ڈاکٹر مریم شیخ تون ملان ۔
ماہرنگ نا رد ئٹ نن اوفتے بلوچستان ئٹی برجا ء انگا بندغی حق آ تا خلاف ورزی تیتون اوار زوراکی ئٹ بیگواہی ، بیدس عدالت آن خلنگ ، تیوعہ ملک ئٹی بلوچ حق آتا وکالت ئے کروکا پُرایمن مارچ کروکا تہ برخلاف کریک ڈاؤن و برانزی تے برانز آتا تڑی تننگ نا بابت ئٹ آگاہ کرے ۔
او ننے تینا مُختفی نا یقین تسُر و پاریر کہ دا معاملہ ئے اقوام متحدہ نا متعلقہ سیکشن ئے گدریفنگ مرو ۔
