بلوچستان نا ضلع آواران ئٹ نادُرست آ سلاہ بند بندغ آک دوانزدہ ساہت اسکان کسر ئے تفیر و اُلاخ آتا پٹ ئہ پول ئے کریر۔
حوال تروک آتا رد ئٹ سلاہ بند بندغ آک اینو آواران ئٹی سہب ئنا شش آن ویگہ نا شش بجہ اسکان پیراندر، کنیرہ ئٹی مشکے آواران نا بنجائی کسر ئے تفیر و اُلاخ آتا پٹ ئہ پول ئے کریر۔
دا وختا او مسافر تا کارڈ آتِہ ہُرار و مخلوق ئے مُچ کرسا اوفتتون بلوچ آجوئی نا جہد ئنا بابت ئٹ ہیت کریر و سرپندی تسر۔
حوال تروک آتا پاننگ ءِ اندا وخت سلاہ بند بندغ آک کسر جوڑ کروکا کمپنی نا اُلاخ آتِہ ہم تورینو و ڈرائیور آتِہ پنت کرسا لاری تِہ بیدس نسخان آن الانو۔
ہندی حوال تروک آتا رد ئٹ کسر ئے تفوک سلاہ بند بندغ آک بلوچ آجوئی خواہوک سلاہ بند تنظیم آتا سرمچار مسنو۔
والے دائسکان دا کاروائی نا ذمہ واری ئے ہچو تنظیم ئس ہرفتنے۔
