سرمچار آک آواران نا عیلاقہ جھاؤ ، سیڑ ئٹی دشمن لشکر نا پیدل گشتی ٹیم آ جلہو کریر ہراٹی پنچ کارندہ کھسک و اِرٹ ٹپی مس ۔
یکشمبے نا سُہب ئنا یازدہ بجہ نا خڑک مروک آ جلہو ئٹی پوسکن انگا سلاہ تے کارمرز کننگا ، ہراٹی دشمن نا پنچ کارندہ ہمو جاگہ آ کھسک و ارٹ ٹپی مس ۔
قوضہ گیر پاکستانی لشکر آ سرمچار آتا دا دلیرانہ جلہوک ہندن خطرناک و کُبین مسُنو کہ قوضہ گیر لشکر سرمچار آتا جلہو آتا خارئے لس مخلوق آ مارٹر گولہ خلسہ و لٹ و کٹ کرِسا کشک ۔
تسلسل ئٹ برجاء انگا بلوچ آجوئی نا جنگ دشمن لشکرئے پین زیات اعصابی و نفسیاتی زور ئنا گواچی کرینءِ ۔ لشکر جتا جتا انگا جھڑپ آ تیٹ تینا خلنگ مروک آ سپاہی تہ خلنگ ئے ڈکھیسا تینا تموک آ مورال ئے ڈکھنگ نا بے سہب ءُ کوشست کننگءِ ۔
بلوچستان لبریشن فرنٹ دا جلہو نا ذمہ واری ئے ہرفک و تینا الس ئے پاننگ خوائک کہ بی ایل ایف تینا سرزمین ،راجی بقاء و آجوئی کِن جہد مسلسل ئے راجی فرض پوہ مریک ۔ دا جلہوک بلوچستان نا آجوئی اسکان برجاء مرور ۔
میجرگہرام بلوچ
جارکش بلوچستان لبریشن فرنٹ
