ہندا سال 19 اپریل آ زیارت سنجاوی ٹی پاکستانی لشکر ہفت بندغ ئے دروغ انگو مونتس ئسے ٹی کھسفنگ نا دعوی کریسس، ولے رسینگوک شاہدی تا رد ئٹ دا کھل بندغ آتے جتا جتا وخت آتیٹی بیگوواہ کننگاسس ہرا داسکان بیگواہ اسُر۔
داسہ ہرا اِرا بندغ نا چائنداری مسُنے اوفتیٹی مزار خان مری و خیر محمد اوار ءُ، ہرافتے چھار تو مہالو ضلع دکی آن پاکستانی لشکر دزگیر کرِسہ بیگواہ کریسک۔
یات مرے کہ پاکستانی لشکر نا کنڈ آن زوراکی ئٹ بیگواہ کننگوک بندغ آتے کھسفنگ نا لڑ چرجوئی ئٹ برجاء ءِ۔ گدرینگوکا تو ئٹی دکی ٹی ہم پنچ بندغ ئے دروغ ئنا مونتس ئسے ٹی کھسفنگاسس۔
خیال ئٹ مرے کہ دا جون تے دوئی کننگ آن پد ہندی بندغ آک سی ٹی ڈی نا دا دعوی آن نمن کرِسہ پاریسُر کہ علاقہ ٹی ہچو مونتس ئس متنے، بلکن پاکستانی لشکر جونآتے خسِسَہ دادے مونتس نا رنگ تننگ نا کوشست کرینے۔
