بلوچستان نا ضلع زیارت ئٹ تدوکا دے تیٹ سی ٹی ڈی نا دروغ ئنا مونتس ئٹ خلنگوک اسہ پین بندغ ئسے نا چاہنداری زوراکی ئٹ بیگواہ کننگوک ملک خیر محمد حسنی نا پن ئٹ مس ہراتحصیل تھل چوٹپالی نا جہی ئس ءِ و پنچ تُو مُست دکی آن بیگواہ کننگاسس۔
یات مرے، سی ٹی ڈی دعوی کریسس کہ دا بندغ آک اسہ سلاہ بند مونتس ئسے ٹی خلنگانو ہرافتے آن سلاہ دوئی کننگانے ۔ ولے داسکان اِرا بندغ نا چاہنداری زوراکی ئٹ بیگواہ کننگوک بندغ آتیٹ مسُنے۔
داکان مہالو غلام نبی نا مار گل محمد مری نا چاہنداری مس۔ ہرادے 20 دسمبر 2024 آ پاکستانی لشکر سنجاوی آن زوراکی ئٹ بیگواہ کریسس۔ وائس فار بلوچ مسنگ پرسنز نا ردئٹ گل محمد مری نا زوراکی نا بیگواہی نا شابیت حوال تِہ خاہوت تنظیم ئے تسس، و اونا کیس زوراکی ئٹ بیگواہ کننگوک بندغ آتا کمیشن ئٹ ہم تننگاسس۔
