بلوچستان لبریشن فرنٹ نا ترجمان میجر گہرام بلوچ میڈیا غا شنگ کروک تینا بیان ئٹ پارینے کہ یک مئی آ سرمچارک آواران، مالار ئٹی کسر جوڑ کروجا کمپنی نا رکھ آ سلوک پاکستانی لشکر نا کارندہ غاتے ہموتم بھلا سلاہ تیٹ ٹک کریر ہراتم او کسر ئے جوڑ کروکا بندغ آتا رکھ کن سلوک اسُر۔ جلہو نا سوب آن دشمن لشکر ئے جانی و مالی نسخان ہرفوئی تما۔
او پارے کہ تیبہ بلوچستان ئٹ کالونائزر تینا لشکر نا ہن ئہ بر ئے ارزان و وسائل تا لُٹ ئہ پُل ئے تیز کننگ کن شونداری نا پن آ کسر جوڑ کننگ ءِ ہرا نا پھاش مثیل پاک چین استحصالی دگ ءِ ہرا نا جوڑنگ نا وختا بھاز آ بندغ آتے زوراکی ئٹ بیگواہ کننگا و خلق آتے ہمپنگ آ بیوس کننگا، دا پالیسی نا رد ئٹ کوزہ گیر پاکستانی لشکر کیہی خلق آتے ہمپ ئہ لڈ آ بیوس کرے، ہرادے توننگ کن سرمچارک بھاز خواری ئٹ جنگ کننگ ءُ۔
ترجمان پارے کہ ہوشاپ آن آواران اسکان پاکستان چین اقتصادی دگ ہم اندا استحصالی پالیسی نا بشخ ءِ ہرا نا برخلاف سرمچارک تیبہ تاغت ئٹ جنگ کننگ ءُ۔
او پارے کہ پاکستان چائنا ایم 8 دگ ئے جوڑ کروکا کمپنی و کوزہ گیر لشکر آ جلہو نا ذمہ واری ئے ہرفِنہ و بلوچستان نا آجوئی اسکان کوزہ گیر ریاست نا لشکر و اقتصادی سواد آتیا جلہوک برجاء مرور۔
