درو ضلع کیچ ئنا بنجائی شار تربت ئٹ پاکستانی لشکر و سلاہ بند بندغ آتا نیامٹ بھلو جھڑپ ئس مس، ہرا نا بھرم ئٹ مُسہ بندغ بیران مسُر۔
بیران مروک بندغ آتا چاہنداری رسول بخش ہوت ئنا مار نبیل احمد، علی سنگھور نا مار زکا اللہ سنگھور، و اللہ بخش نا مار فیروز عرف ساربان نا پن ئٹ مسنے۔
حوال تا رد ئٹ نبیل احمد و زکا اللہ سنگھور نا تعلقداری تربت نا علاقہ گوگدان آن ءِ، و فیروز آپسر ڈاکی بازار نا جہی ئس ءِ۔
ودیک حواک تا رد ئٹ مُسٹ انگا بندغ آتا جونک دائسکان فرنٹیئر کور (ایف سی) تون ءُ، و پاکستانی لشکر جون تِہ دائسکان خاہوت آتا حوالہ کننگ اف۔
خیال ئٹ مرے کہ دا جھڑپ ئٹ پاکستانی لشکر ئے ہم بھاز نسخان رسینگانے۔
