بلوچستان نا ضلع پنجگور ئٹی نادُرست سلاہ بند بندغ آک پاکستانی لشکر آ جلہو کرسا اِرا کارندہ ئے خلکُر۔
حوال تروک تا رد ئٹ اینو نیمروچ نا وخت آ پنجگور نا ہند چتکان ئٹی ہمو وخت جلہو مس ہرا وخت سیکیورٹی کارندہ آک گڑا ہلنگ کن ہند ئٹی ساڑی اُسر۔ سلاہ بند بندغ آک کارندہ تے ٹک کریر، ہرانا سوب اِرا کارندہ ہمو جاگہ آ خلنگار۔
تدینی آن پد لشکری کارندہ آک بھلو کچ ئسیٹی ہند ئے گھیرہ کریر، چیکنگ نا عمل سخت کننگانے و ہن و بر ئٹی ودُکی بسنے۔
دا جلہو نا زمہ واری ئے دائسکان ہچو تنظیم ئس ہرفتنے۔
