مشکے : شش سال مُست پاکستانی لشکر نا دُو آن زوراکی ئٹ بیگواہ مروک آ شاہ میر ولد اللہ داد نا خاوت اونا آجوئی نا خواست ئے کرے ۔
خاوت پارے کہ شاہ میر ولد اللہ داد ئے شش سال مُست پاکستانی لشکر بیگواہ کرینے کہ انگہ بیگواہ ءِ ، ہرانا بابت ئٹ ننے ہچ وڑ ئنا حوال اف کہ او امرے و ارانگ ءِ ۔
او بندغی حق آتا ادارہ تے آ شاہ میر نا آجوئی کن توار بُڑز کننگ نا خواست کرے و پارے کہ شاہ میر نا آجوئی کن تینا کڑد ئے ادا کیر ۔
شاہ میر نا بیگواہی آن مُست پاکستانی لشکر اونا ایلم مار گور خان ولد عزیز ئے دزگیر کرِسا بیگواہ کرینے ، پاکستانی لشکر پارینے کہ شاہ میر برے کیمپ آ پیش مرے پدا نن اونا ایلم نا مارئے یلہ کینہ ۔ 25 جنوری 2016 آ شاہ میر مشکے تنک ئنا کیمپ آ ہناسس پاکستانی لشکر شاہ میرئے بیگواہ کرے کہ انگہ بیگواہ ءِ ۔
شاہ میر نا بیگوائی آن پد اونا ایلم نا مار گور خان ئے پاکستانی لشکر شہید کرے و جون ئے تہ بٹے ۔
