بلوچستان نا علاقہ مستونگ نا ہند اسپلنجی ٹی پاکستانی لشکر نا بھلو کچ ئس مُستی گھام خلِسہ لشکر کشی کننگ ءِ۔
جہی حوال تا رد ئٹ اسپلنجی و ہیب ئہ کھین ئٹ پاکستانی لشکر نا زمینی فوج مُستی گھام خلنگ ءِ، لشکر کشی ٹی بکتر بند و ایلو بھلا اُلاخ آک کارمرز مننگ ءُ۔
پن کروک علاقہ آن دائسکان ہچ وار ئنا دزگیری یا جانی نسخان تا حوال رسینگتنے و کولخواک ہم دا رد ئٹ ہچ تران کتنو۔
ایلو کنڈ آن ضلع کیچ ئنا تحصیل زامران نا علاقہ جمکی تنک ئٹی پاکستانی لشکر نا اسہ پوسٹ ئسے آ سلاہ بند بندغ آک جلہو کرینو۔
جلہو نا وختا ترند تراک و سمکاری تا توار بِننگ مسے و جانی نسخان تا حوال ہم ارے۔ واہم جلہو نا ذمہ واری ئے دائسکان ہچو تنظیم ئس ہرفتنے۔
