بلوچ سرمچار آک کیچ ئنا عیلاقہ بلیدہ گلی ٹی پاکستانی لشکر نا اِرا لاری و شش موٹرسائکل آتا قافلہ ءِ آئی ای ڈی ئٹ ٹک کریر ، قافلہ ٹی اوار اسہ لاری ئس تراک ئنا زد ئٹی برِسہ تیبہ غا تباہ مس ارانا سوب آن لاری ٹی سوار ئنگا پنچ کارندہ غاک کھسکُر وخت ئسکہ میجر ئسے تون اوار اِرا کارندہ ٹپی مس ۔ سرمچار آک ایلو موٹر سائکل و لاری تے پوسکنا و بھلا سلاہ تیٹ ٹک کریر ۔
جمعہ و ہفتہ نا نیام ئنا نن سئے بجہ آ سرمچار آک اسہ حکمت عملی سینا ردئٹ تنظیمی ڈکھوک آ معلومداری تا ردئٹ دشمن لشکر نا کارندہ تے بھاز نسخان تسُر ۔
جنگی و نفسیاتی حکمت عملی تیان لیس بلوچ سرمچار آتا مہلک کاروائی تے آن دشمن ہنداخس بھیم ئنا گواچی ءِ کہ ، بےوس و مجبور ءِ کہ او ارب آتا مشینری بشمول ٹیکنالوجی کارمرز کننگ آن بیدس تینے دا جلہو تے آن رکھنگ ئٹی مکمل ناکامیا مسُنے ، اراکہ ہندا ہیت ئنا گواہی ءِ کہ دشمن جنگی میدان آن ہلیس نفیساتی ردئٹ دا جنگ ئٹی پروش کُنگونے ۔
بلوچستان لبریشن فرنٹ دا جلہو نا ذمہ واری ءِ ہرفک و سوغند ہرفک کہ بلوچستان نا آجوئی اسکان دشمن ءِ ہرمحاز آ شکست ہیتو ۔
میجر گہرام بلوچ
جارکش بلوچستان لبریشن فرنٹ
