بلوچستان نا ضلع کیچ ئنا علاقہ گیبن و آواران نا علاقہ مشکے آن پاکستانی لشکر چھاپہ خلِسہ چھار بندغ زوراکی ئٹ بیگواہ کرینے۔
شابیتی حوال تا رد ئٹ گیبن آن بیگواہ کننگوک بندغ آتا چائندئی بہرام نا مار شاہ ملک، شاہ ملک نا مار علی جان و یونس نا مار بلال نا پن تیٹ مسنے۔
جہی حوال تا رد ئٹ پن کروک بندغ آتے تدوکا دے تیٹ ننکان سئے بجہ غا چھاپہ نا وختا پاکستانی لشکر دزگیر کریسس ہراکان گڈ اوفتا ہچ ڈس اف۔
ایلو کنڈ آن مشکے نا بازار ئٹ 23 اپریل آ نوکجو نا جہی نصیب نا مار حمل ئے پاکستانی ڈھکوک ایجنسی تا کارندہ غاک دزگیر کننگ آن گڈ بیگواہ کرینو۔
