وائس فار بلوچ مسنگ پرسن نا ترجمان تینا اسہ بیان ئسے ٹی پارے کہ ٹکری کشمیر خان سمالانی نا مار گل میر، احمد سمالانی نا مار وحید احمد سمالانی و سید میر خان نا سینزدہ سالی آ مار عبد الرحمٰن سمالانی ئے سی ٹی ڈی و ایلو فورسز کارندہ غاک بیگواہ کرسا تینتو درینو۔
خاہوت "وائس فار بلوچ مسنگ پرسنز” ئٹ تینا بندغ آتا کوائف تے ترسا پارینے کہ کلی بڑو سریاب کوئٹہ ٹی اوفتا اُرا غان، 16 و 17 اپریل نا نیامیکو نن اوفتا بندغ آتے دزگیر کرسا بیگواہ کننگانے و خاہوت ئے اوفتا بارو ئٹ ہچ وڑ ئنا معلومداری تننگ ہم متنے ہرا نا سوب آن خاہوت بھاز فریشانی نا گواچی ءِ۔
خاہوت کوالخواہ تیان خواست کرینے کہ اوفتا بندغ آتے زوت یلہ کننگِہ و اوفتے دا ڈکھ آن آجو کننگ مرے۔
