بلوچستان نا ضلع خضدار نا علاقہ وڈھ سارونہ ٹی استو سلاہ بند بندغ آک نہادی آ خل تِہ دروکا لاری تِہ ٹک کرینو۔
جہی حوال تا رد ئٹ استو ننکان 11:30 نا وختا سلاہ بند بندغ آک وڈھ دریجی نا جہہ آ نہادی آ خل تِہ دروک اِرا لاری تیا سُمکاری کرسا اوفتے نسخان تسُر و ڈرائیور تے بیدس نسخان آن یلہ کریر۔
یات مرے کہ بلوچستان ئٹی معدنیات دروکا کمپنی و لاری تیا ساندہ آجوئی خواہوک سلاہ بند تنظیم آک جلہو کرینو۔ اوفتا رد ئٹ پاکستان و پیشن نا کمپنیک بلوچ راج ئنا راجی مڈی تے بیدس اوفتا رضا آن زوراکی ئٹ لُٹ ئہ پُل کننگ ءُ۔
واہم پن کروک جلہو نا ذمہ واری ئے دائسکان ہچو تنظیم ئس ہرفتنے۔
