بلوچستان نا بنجائی شار کوئٹہ نا ہند مارگٹ ئٹی پاکستانی لشکر نا گاڑی آ تراک ئٹی چھار کارندہ مرگ ئنا گواچی و مُسٹ ٹپی مسنو۔
کالخواک تدینی نا حوال ئے پک کرسا پاریر کہ ٹپی مروک و کہوکا کارندہ غاتے خُڑک ئنا اسپتال آ دننگ ءُ۔ کیہی تا حالیت سخت خراب ءِ۔
کہوکا کارندہ غاتا چائنداری صوبیدار شہزاد آمین، نائب صوبیدار عباس، سپاہی خلیل و سپاہی زاہد نا پن تیٹ مسونے، و ٹپی مروکا تا چائنداری لانس نائیک ظفر، لانس نائیک فاروق و سپاہی خرم سلیم نا پن ئٹ مسونے۔
دائسکان جلہو نا زمہ واری ئے ہچو تنظیم ئس ہرفتنے۔
