بلوچستان لبریشن فرنٹ نا ترجمان میجر گہرام بلوچ میڈیا ٹی شنگ کروک اسہ بیان ئسیٹی پارینے کہ بی ایل ایف نا سرمچارک 22 اپریل دیگر نا وخت 5 بجہ آن 6 بجہ اسکان خاران نا علاقہ گواش ئٹی سی پیک لنک کسر آ برجاء کلگ کراس نا ہند آ کسر ئے تفیر۔ دا وخت آ اوکان گدرینگوکا اُلاخ آتا پَٹ ئہ پول ئے کریر و اُلس ئتو تران کریر۔
او پارے کہ سرمچارک کسر ئے تفنگ نا وخت آ اِرا بوزر لاری تے توریر و ڈرائیور آتے آن سر سوج کریر۔ بنائی سرسوج آن گُڈ دا سما تمّا کہ دا لاری تے بندغ آک تینا کاریم تیکن کارمرز کیرہ و دافتا ہچو ریاستی ڈٹ بندی یا لشکر تو تعلقداری ئس اف۔ ہندا سوب آن لاری تے ہچو نسخان ئس تننگتو و اوفتے رائی کننگا۔
ترجمان پارے کہ چیکنگ نا وخت آ سرمچارک تینا شاری تیتو جوان روشت تخار و کسری و ڈرائیور آک کسر تفنگ نا وخت آ سرمچار آتیتو بھاز بھڑائی کریر۔
