بلوچ سرمچار آک کیچ ئنا ہند مند شیپجار ئٹی قوضہ پاکستانی لشکر نا مُسہ لاری تہ قافلہ ئے مُست سنگر ہلیسا جلہو کریر، قافلہ ٹی اوار اسہ لاریس جلہو نا زد ئٹی بس۔ جلہو ئٹی دشمن لشکر نا پنچ کارندہ خلنگار و اِرٹ ٹپی مسُر۔
جلہو پنچ شمبے نا دے یک بجہ ئنا وخت آ کننگا، مُسہ لاری تہ قافلہ ئے نشانہ کننگا ہرافتیٹی اسہ لاریس جلہو نا زد ئٹی بس ہراٹی سوار انگا کُل کارندہ آک خلنگار و ٹپی مسُر، ایلو لاری تے ہم نسخان مس۔ سرمچار آک دشمن لشکر نا خُڑک ئنا اڈ مروکا چوکی ئے ہم نشانہ کریر ہراٹی لشکرئے نسخان رسینگا۔
دا جلہو ئٹی سرمچار آک بے سُہب آ دشمن ئے ہندُن بے وس و مجبور کریر کہ او اسہ سُم ئس ہم خلنگ کتوس و تینا روایت ئے برجاء تخیسا نرار، قافلہ ٹی اوار اِنگا اِرٹنگا لاریک نرنگ ئٹی سُہبمند مسُر۔
بلوچ راجی تنظیم آتا پوسکُن اِنگا جنگی حکمت عملی تہ سوب آن پاکستانی لشکر سخت نفسیاتی و جسمانی خُلیس نا گواچیءِ، ہرانا سوب آن بلوچ سرمچار آتا جلہو تہ غصہ آن دشمن لس مخلوق آ مارٹر خلیک۔
بی ایل ایف قول کیک کہ قوضہ گیر دشمن ئے گیش نفسیاتی شکست ترسا تینا سرزمین آن پیش تمنگ کن مجبور کرو۔
بلوچستان لبریشن فرنٹ دا جلہو نا ذمہ واری ئے ہرفک۔ بلوچستان نا تیوعہ آجوئی اسکان قوضہ گیر نا مفاد آک ننا نشانہ ٹی مرور۔
میجر گھرام بلوچ
جارکش: بلوچستان لبریشن فرنٹ
