بلوچستاب نا ضلع کیچ ئٹی سلاہ بند بندغ آک پاکستانی لشکر نا کیمپ آ جلہو کرینو۔
حوال تا رد ئٹ سلاہ بند بندغ آک استو ننکان یانزدہ و نیم بجہ نا وختا کیچ ئنا علاقہ شاپک ئٹ بارگ نا مش آ ساڑی پاکستانی لشکر نا کیمپ آ بھلا سلاہ تیٹ جلہو کرینو۔
جلہو نا وختا بھاز ہُرے اسکان سمکاری و تراک آتا توار بِننگ مس ہراڑان گمان ءِ کہ پاکستانی لشکر ئے جانی و مالی نسخان مسنے۔
ایلو کنڈ آن استو ننکان تربت نا علاقہ ٹی پاکستانی لشکر نا ناکہ غا چغلی بمب جلہو کننگا۔ جلہو نا وختا فوجی کارندہ غاک کسر ئے تفِسہ پٹ ئہ پول کننگ اسُر۔
واہم تومکا جلہو تا ذمہ واری ئے دائسکان ہچو تنظیم ئس ہرفتنے۔
