بلوچستان ئٹ زوراکی نا بیگواہی تا لڑ برجاء، پین اِرا بندغ پاکستانی لشکر نا دو آن بیگواہ کننگار۔
شابیتی حوال تا رد ئٹ 13 اپریل آ شال ئنا خُڑک ئنا علاقہ ڈگاری آن اِرا ورنا پاکستانی لشکر دزگیر کننگ آن گُڈ بیگواہ کرینے ہرا قیصر خان نا مار نصیر ساتکزئی و نور خان نا مار اکرام ساتکزئی نا پن ئٹ درست مسنو۔
ہڑتُما تا خاہوت آک اوفتا سرسلامت آجوئی نا خواست کرینو۔
خیال ئٹ مرے کہ اینو تربت، پسنی و شال آن مُسہ پین بندغ پاکستانی لشکر دزگیر کننگ آن گُڈ بیگواہ کرینے۔ بلوچستان ئٹ ہڑدیئی بنداو آ زوراکی نا بیگواہی تا کیس آک رپورٹ مریرہ۔
