بلوچستان نا ضلع مستونگ ئٹی دشت روڈ آ بلوچستان کانسٹیبلری نا بس آ آئی ای ڈی بم جلہو ئٹ مُسہ کارندہ بیران و 19 ٹپی مسنو۔
تراک دشت روڈ آ کنڈ مسوری نا خُڑک موٹرسائیکل ئٹ لچفوک ریموٹ کنٹرول بمب ئٹ کننگانے۔
پولیس نا رد ئٹ بلوچستان کانسٹیبلری نا کارندہ غاک ڈیوٹی آن واپس بننگ اسُر کہ تراک مس۔ بیران و ٹپی مروکا کارندہ غاتے اسپتال آ رادہ کننگانے۔
ڈی ایس پی مستونگ یونس مگسی نا پاننگ ءِ کہ مستونگ نا علاقہ کنڈ مسوری لیویز نا سم آتیٹ بریک ولے تولوک برانز نا سوب آن ننا افسرک پولیس کارندہ غاتے لیویز تون ڈیوٹی تننگ نا حکم تسُر و ننا ورناک ہڑدے نا وڑ ڈیوٹی آن پد پولیس لائن مستونگ آ بننگ اسُر۔
او پارے کہ اینو 40 آن زیات کارندہ ڈیوٹی آن پد پولیس بس ئٹی واپس بننگ اسُر کہ موٹرسائیکل ئٹ لچفوک ریمورٹ کنٹرول بمب ئنا ذریعت ئٹ تراک کننگا، تراک ئٹ مُسہ کارندہ بیران و 19 ٹپی مسنو۔
تدینی آن گُڈ بولان میڈیکل کالج اسپتال و سول اسپتال کوئٹہ ئٹ ایمرجنسی خلنگانے۔
