بلوچستان نا ضلع حب ئنا اِرا جتاؤ جاگہ، وندر و شاہ نورانی نا خُڑک اِرا بندغ نا جونک خننگانو۔
وندر نا دریابی ہند بریدہ کیمپ ئنا خُڑک سمندر آن اسہ نادُرستو بندغ ئسے نا مُسہ چار دے مست ئنا جون ئس خننگانے۔ ایدی نا رد ئٹ ہرانا سن 35 سال ءِ۔
دا رد دائسکان ودیک حوال رسینگتنے۔المی کاروائی آن پد جون ئے سول اسپتال حب آ دننگ مسنے۔
اندن شاہ نورانی درگاہ نا خُڑک اسہ بندغ ئسے نا جون خننگانے، ہرانا چائنداری عمران شاہ ولد سید علی حسن شاہ نا پن ئٹ مسنے۔ ہرانا سن 60 سال نا خُڑک پاننگک۔
ریسکیو 1122 جون ئے خُڑک ئنا تھانہ غا درینے، ہراڑے المی قانودی کاروائی آن پد جون ئے ایدی ہوم سہراب گوٹھ نا سرد خانہ ٹی تخنگانے۔
