بلوچستان لبریشن فرنٹ نا ترجمان میجر گہرام بلوچ میڈیا ٹی شنگ کروک بیان ئسیٹی پارینے کہ 11 اپریل نا نَن 12 بجہ آ بی ایل ایف نا سرمچارک جیونی نا علاقہ کپتگی ٹی جاسوسی کن خلنگوک زونگ کمپنی نا ٹاور آ جلہو کریر و اوڑے ساڑی تیبہ مشین تے ہُشِسہ بُھس کریر۔
او پارے کہ بی ایل ایف دا جلہو نا ذمہ واری ئے ہرفِک و موبائل نا کمپنی تے سختی ئٹ پائک کہ او تینا نیٹورک آتے بلوچ سرمچار و اُلس ئنا برخلاف پاکستان نا لشکر و ڈھکوک ادارہ آتا کمک کن کاریم ئٹ ہتپس نہ تو اوفتا ٹاور آتیا جلہو و مشین تے نسخان رسیفنگ نا عمل برجاء مرو۔
