سندھودیش روولیوشنری آرمی نا ترجمان سوڈھو سندھی تینا شنگ کروک بیان ئٹ پارینے کہ قمبر شہدادکوٹ نا علاقہ کچی پل نا خُڑک پنجاب، گوجرانوالہ آن تعلقداری تخوک ہارویسٹر مشین نا اِرا ٹھیکہ دار، ارشد و مبشر پنجابی آ جلہو کرین۔ اندن نوشہرو فیروز و مورو ٹی نیشنل ہائی وے آ این ایل سی نا آئل ٹینکر آتے ہم ٹِک کننگا۔
او پارے کہ پاکستانی ریاست سندھ آ پنجاب نا کوزہ، زور دستی و وسائل تا لُٹ ئہ پُل ئٹ سندھ ئنا دیہاڑی ملکیت سندھو دریا غا فوجی تاغت ئٹ کینال کشنگ و کارپوریٹ فارمنگ نا پن آ سندھ ئنا ڈغار تیا کوزہ کننگ و مڈی تا لُٹ ئہ پُل تون اوار سامراجی چم بازی تا ذریعت ئٹ سندھی قوم ئنا زنک ایسری نا فیصلہ کرینے۔
ترجمان پارے کہ نن پنجابی سامراج نا دننگا جلہو تے منیپنہ و پنجاب نا رسد ئے سندھ آن گدرینگ کن الوفن، ریاست و پنجابی آبادکار تیا جلہو پین ہم ترند کننگو۔
او پارے کہ سندھودیش روولیوشنری آرمی ( ایس آر اے ) تینا مزاحمتی جنگ ئے سندہ ئنا تیبہ آجوئی اسکان برجاء تخنگ نا عزم کیک۔
