نوشکی آن حوال ءِ کہ پاکستانی لشکر نا بنجائی کیمپ آ بھلو جلہو ئس مسنے و کمک کن بروکا پاکستانی لشکر نا کاروان ئے ہم سنگر ہلوک سلاہ بند بندغ آک ٹِک کرینو۔
نوشکی نا علاقہ گلنگور ئٹی ساڑی پاکستانی لشکر نا بنجائی کیمپ آ سلاہ بند بندغ آک درے نن جتا کنڈ آن جلہو کرینو۔ علاقہ ٹی مُسہ ساہت آن زیات تم اسکان سمکاری و تراک آتا توار برجاء مسنے۔
جہی حوال تروکا تا رد ئٹ جلہوکارک پاکستانی لشکر نا کیمپ ئے کوزہ کننگ ئٹ سرسوب مسر و دشمن لشکر نا سلاہ و گولہ بارود آتے ہم دوئی مسُر۔
جلہو نا وختا اندا علاقہ ٹی سلاہ بند بندغ آک لیویز پوسٹ ئس ہم کوزہ کریر و کارندہ غاتے بندی کننگ آن گُڈ یلہ کریر۔
اندن حوال تروکا تا پاننگ ءِ کہ پن کروک علاقہ ٹی پاکستانی لشکر نا کمک کن بروک کاروان ئے ہم سلاہ بند بندغ آک مُست آن سنگر ہلِسہ ٹِک کریر ہراٹی اوفتے پین جانی نسخان رسینگا۔
جلہو آن گُڈ علاقہ ئٹ ہیلی کاپٹر و جاسوس طیارہ غاک بال کننگ ءُ۔
