حوال تا رد ئٹ پسنی، موسی خیل و جھاؤ آن پاکستانی لشکر مُسہ بندغ دزگیر کننگ آن گڈ بیگواہ کرینے۔
شابیتی حوال تا رد ئٹ پسنی آن بیگواہ کننگوک ورنا ببر شور پسنی نا جہی محمود رحمدان نا مار نظام نور نا پن ئٹ درست مسنے ہرادے اینو ویگہ نا 5 بجہ نا وختا دزگیر کننگ آن گُڈ بیگواہ کننگانے۔
ایلو کنڈ آن موسی خیل ئٹ پاکستانی لشکر راڑہ شم نا جہی محمد ایوب نا مار آفاق احمد بزدار ئے دزگیر کننگ آن گُڈ بیگواہ کرینے۔
ہڑتُما ورنا تا بیگواہی نا حوال ئے اوفتا خاہوت آک پک کرینو۔ و تومکا ورنا دا دائسکان ہچ ڈس اف۔
اندن ضلع آواران نا علاقہ جھاؤ آن پاکستانی لشکر جھاؤ ملائی گزی نا جہی دولت نا مار وسیم ئے زوراکی ئٹ بیگواہ کرینے۔
حوال تروکا تا رد ئٹ پن کروک بندغ ئے پاکستانی لشکر اینو پیشیم نا وختا ہموتم بیگواہ کرے ہراتم او تینا ڈغار تیان واپس اُراغا بننگ اس۔
