بلوچ یکجہتی کمیٹی نا پارہ غان 13 اپریل آ تنظیم نا سروک آتا دزگیری نا برخلاف تیبہ بلوچستان ئٹ برانز آتا پڑو کننگانے۔
بی وائی سی نا کنڈ آن اسہ شنگ مروک بیان ئسیٹی پاننگانے کہ بلوچ یکجہتی کمیٹی نا بنجائی سروک آتا دزگیری و تنظیم آ ریاستی کریک ڈاؤن دائسکان برجاء ءِ، واہم غٹ ریاستی تادی و بیدادی تیان پد ہم بی وائی سی نا سروک و باسک آک تینا اصولی آ ہیت، نظریہ و راجی مسخت آ سلوک ءُ۔ تدوکا بیست دے آن تیبہ بلوچ راج برانز کننگ ءِ۔ دا سخت و نازرک آ وخت ئٹ بلوچ راج سیوتی و ہم کوپئی نا اسہ جوانو مثیل ئس جوڑ کرینے و سوگو دروشم ئٹ ریاستی تادی تا برخلاف مزاحمت ئے برجاء تخانے۔
بیان ئٹ پاننگا کہ بنجاہی قیادت نا دزگیری تا رخلاف 13 اپریل یک شمبے نا دے آ تیبہ بلوچستان ئٹ برانزی ریلی و تولوک برانز اڈ تننگو۔ غٹ زون آک دا بابت ئٹ جوان تیاری کیر و مزاحمت ئے سوگو و جوانیکا برجاء تخر۔
بیان ئٹ ودیک پاننگا کہ بلوچ یکجہتی کمیٹی ریاست پاکستان آ پھقش کیک کہ ریاستی فاشزم و تادیک بی وائی سی نا نظریاتی قیادت و باسک آتے لپڑزہ کننگ کپسہ۔ نن السی مزاحمت ئٹ دا زوراکی تتون مون ایتون، و ننے پک یقین ءِ کہ نن ظلم ئنا دا نظام ئے السی تاغت ئٹ بےسوب کرون۔
