حوال تا رد ئٹ وڈھ ئٹی سلاہ بند بندغ آک خل و معدنیات دروکا لاری تیا جلہو کرینو۔
ہندی حوال تروک آتا رد ئٹ اینو سہب ئنا دہ و نیم آ سلاہ بند بندغ آک وڈھ ئنا ہند دراکھالہ بازار نا خُڑک خل و معدنیات دروکا لاری تے ٹک کرینو۔
انُدن حوال ءِ کہ جلہو ئٹی معدنیات دروکا لاری تے سخت نسخان مسنے واہم پین جانی نسخان نا حوال اف۔
یات مرے، بلوچستان ئٹی گیس، خل، معدنیات و ایلو مڈی تے کشوکا کمپنی تے ساندہ جلہو تیٹی ٹک کننگ مریک ہرافتا زمہ واری تے بلوچ آجوئی خواہوک سلاہ بند تنظیم آک ہرفِرہ۔ ولے دا جلہو نا بابت ئٹ دائسکان ہچو تنظیم ئسے نا درشان مونا بتنے۔
