پاکستانی لشکر بی ایل اے مجید برگیڈ نا فدائی صدام بلوچ نا باوہ و ایلم ئے زوراکی ئٹ بیگواہ کرے۔
بولان نا علاقہ ڈھاڈر، مشکاف آن پاکستانی لشکر نن نیمہ غا اُراغا چھاپہ خلِسہ فدائی صدام بلوچ عرف ودود نا باوہ گلزار محمد شہی ئے اونا مار تون اوار دزگیر کننگ آن گڈ بیگواہ کرینے۔
جہی حوال تا رد ئٹ پاکستانی لشکر نا بھلو کچ ئس علاقہ ئے گھیرہ کرسا اُرا ٹی پترینگانے و گلزار محمد شہی ئے اونا مار تون اوار بیدادی نا گواچی کرسا تینگو درینے ہراکان گُڈ اوفتا ہچ ڈس اف۔
