بلوچستان نا ضلع نوشکی ٹی سلاہ بند بندغ آتا جلہو ئٹ ایف سی نا اسہ کارندہ ئس مرگ ئنا گواچی مسنے۔
حوال تا رد ئٹ سلاہ بند بندغ آتا سمکاری ٹی مرگ ئنا گواچی مروک پاکستانی لشکر فرنٹیئر کور (ایف سی) نا کارندہ نا چاہنداری گوہر خان مینگل نا مار ظاہر نا پن ئٹ مسنے۔
سمکاری نا تدینی نوشکی نا علاقہ قادر آباد ئٹ مسنے، حوال تروکا تا پاننگ ءِ کہ پن کروک بندغ فرنٹیئر کور (ایف سی) نا کارندہ ئس اسک ہرا ائید نا چھٹی تیا اُراغا بسس۔
واہم تدینی نا سوب دائسکان سما تمتنے، نئے کہ جلہو نا ذمہ واری ئے کسس ہرفینے۔
