بلوچستان نا علاقہ پسنی آن پاکستانی لشکر اسہ ورنا ئس دزگیر کننگ آن گڈ بیگواہ کرینے، ہرا نا چاہنداری ضلع کیچ ئنا علاقہ پیدارک نا جہی علی نا مار عبداللہ بلوچ نا پن ئٹ مسنے۔
پن کروک ورنا ئے 5 اپریل آ پسنی آن پاکستانی لشکر دزگیر کننگ آن گڈ بیگواہ کرینے۔
خاہوت آن رسینگوکا حوال تا رد ئٹ عبداللہ بلوچ ئے پاکستانی لشکر پسنی آن دزگیر کننگ آن گڈ نادرستو جاگہ ئس درینے، ہراکان گڈ اونا ہچ حوال اف۔
