کلات انتظامیہ لک پاس نا ہند آ برجاء برانز ئٹی الس ئے اوار مننگ آن توننگ کن منگچر نا ہند آ کسر ئے بند کرے۔
شابیتی حوال تا رد ئٹ منگچر ئٹی ذائقہ ہوٹل نا خُڑک کلات انتظامیہ و سکیورٹی لشکر کسر ئے ہن ئہ بر کن بند کرے۔ ہندی حوال تا رد ئٹ کلات انتظامیہ نا پاننگ ءِ کہ سکیورٹی لشکر نا پاننگ آ کسر بند کننگانے ولے دائسکان بند کننگ نا سوب ئے پاننگ افس۔
انتظامیہ نا تہہ ئنا بندغ آتا رد ئٹ انتظامیہ و ادارہ غاتا نیام ئٹ دفتری حوالکاری ٹی مخلوق ئے برانز ئٹ توننگ نا ہیت مسُنے۔
یات مرے کہ بلوچ یکجہتی کمیٹی نا راہشون تا آجوئی کن لک پاس نا رہا سردار اختر مینگل نا کماشی ٹی برانز مننگ ءِ و پگہ شش اپریل آ کوئٹہ نا پارہ غا لانگ مارچ نا پڑو کننگانے۔
