پنی آ راجدوست سروک میر عبدالنبی بنگلزئی تینا درشان ئسیٹی پارے کہ بلوچ یکجہتی کمیٹی (بی وائی سی) نا راہشون بانُک ماہ رنگ، بانُک سمی دین و ایلو سروک آتا آجوئی یا دزگیری اسَل مسئلہ افک، بلکہ بنداوی سوج دادے کہ دزگیریک مریرہ انتئے۔ دا ہندا سوب آن مریرہ کہ بلوچ راج ئنا تینا سرزمین بلوچستان آ حقِ حاکمیت آن نمن کننگانے، ایسکان کہ دا حق بحال مفک، دا حالیت آک ہندن آن ہندن مرور۔
او پارے کہ بلوچ راج ئے دا گواچن آن سرپند مروئی ءِ کہ دا دزگیری تا مسخت بیرہ منہ بندغ ئے ٹک کننگ اف بلکہ دا نا مسخت جہد ئے نزور کننگ ءِ۔ ایسکان کہ دا نظام ساڑی ءِ، دزگیری، زوراکی نا بیگواہی و ظلم ئنا چرجوئی برجاء مرو۔ دا نا اسٹ انگا حل قومی حاکمیت نا بحالی ءِ۔
