حوال تا رد ئٹ بلوچ یکجہتی کمیٹی نا بنجائی سروک صبغت اللہ شاہ جی ئے پاکستانی لشکر اونا اُرا غان پین مُسہ بندغ تون اوار دزگیر کرسا بیگواہ کرینے۔
رسینگوکا حوال تا رد ئٹ درے نن پاکستانی لشکر صبغت اللہ شاہ جی نا اُراغا چھاپہ خلِسہ اودے اونا ایلم ڈاکٹر ثناء اللہ، آفتاب عالم و شمس عالم تون اوار دزگیر کرسا نادرستو جاگہ ئس درینے۔
ڈاکٹر ثناء اللہ مکران میڈیکل کالج ئٹ پروفیسر، آفتاب عالم میڈیکل نا چھارمیکو سال ئنا خوانندہ، و شمس عالم اندا زوت ئٹ CSS نا امتحان پاس کرینے و بروکا تُو ئنا چھانڑدہ تاریخ آ اونا انٹروئو ءِ۔
خیال ئٹ مرے کہ داکان مُست بی وائی سی نا بنجائی راہشون ماہ رنگ بلوچ ،لالہ وہاب، سمی دین، بیبو و بیرگ دزگیر کننگانو و اوفتا دزگیری نا برخلاف تیبہ بلوچستان ئٹ سخت برانز مننگ ءِ۔
