بلوچ یکجہتی کمیٹی نا سروک بیبرگ بلوچ نا حالیت بھاز انگا بیدادی تا سوب آن خراب مسنے۔
بیبرگ بلوچ ئے تھانہ غا ہتنگانے ہراڑے اودے جانجوڑی کمک رسینگ ئٹی اف۔ اونا نک پرِسنو و "اسپیشل پرسن” مننگ نا حوالہ ئٹ ہم اودے آسراتی رسینگ ئٹی اف۔
خیال ئٹ مرے کہ 20 مارچ آ سہب ئنا پنچ بجہ غا پاکستانی لشکر کوئٹہ ٹی بیبرگ نا اُراغا چھاپہ خلّسہ اودے اونا ایلم تون اوار دزگیر کرے۔
بیبرگ بلوچ نا آجوئی کن بلوچ یکجہتی کمیٹی نا کنڈ آن برانز بناء کننگا تو پاکستانی لشکر برانزی تیا سمکاری کرسا مُسہ بندغ کھسفے و ڈاکٹر ماہ رنگ، بییو تون اوار دائسکان کیہی بندغ آک دزگیر و بیگواہ کننگانو۔
