سردار اختر مینگل چاگڑدی حوالکاری میڈیا غا شنگ کروک تینا بیان ئٹ پارے کہ نن دا وختا لکپاس آ ساڑی اُن ہراڑے شال ئنا کنڈ آ ہنوکا غُٹ کسر تیا کنٹینر خلِسہ کسر ئے بند کننگانے۔ لانگ مارچ ئٹی اوار مروک بندغ آتِہ دزگیر کننگانے و سخت سمکاری مننگ ءِ۔ کنا سینئر قیادت آ ہم براہ راست شیلنگ و سمکاری مننگ ءِ۔
او پارے کہ نن شال ئنا الس آن خواست کینہ کہ او لکپاس نا ہیمون سر مریر و مستونگ نا الس آن خواست ءِ کہ او تینا کنڈ آن لکپاس آ مُچ مریر۔ دا ہیت پھاش ءِ کہ نن تینا مسخت آن پدی مروفن و مُستی ہنون چاہے ننے لکپاس نا شیف آن اسہ پین کھونڈ ئس خُتوئی مرے۔
او ودیک پارے کہ نن سوگو اُن، نن تینا مسخت ئٹ پُرعزم اُن، و غُٹ آن بھلا ہیت دادے کہ نن پُرامن اُن۔ ہچو تاغت ئس، ہچو زوراکیس ننا حوصلہ غا تِہ پرغنگ کپک نئے ننے ننا کسر آن مُر کننگ کیک۔
