بلوچستان نا ضلع کیچ ئٹی پاکستانی لشکر نا دو آن زوراکی ئٹ بیگواہ کننگوک ورنا ئسے نا سُم خلوک جون خننگانے۔
ورنا نا چاہنداری سری کھن نا جہی ملا برکت نا مار انس نا پن ئٹ مسنے۔
پن کروک ورنا ئے 01 اکتوبر 2024 آ پاکستان نا ڈکھکوک ادارہ غا تا کارندہ آک سری کھن ئٹ اونا دکان آن زوراکی ئٹ بیگواہ کریسُر ہرا نا داسا سُم خلوک جون خننگانے۔
حوال تا رد ئٹ اونا داکان مُست ہم پاکستانی لشکر نا کارندہ غاک اودے 14 اکتوبر 2022 آ زوراکی ئٹ بیگواہ کریسُر۔
اونا زوراکی ئٹ بیگواہی نا برخلاف خاہوت نا پارہ غان جتا وخت ئٹ تربت ئٹی شہید فدا چوک و ڈی بلوچ آ برانز ہم کننگاسس۔
