بلوچستان نا جتا علاقہ آتیٹ پاکستانی لشکر نا کاروان تیتون اوار تھانہ غاتیا جلہو تا لڑ برجاء ءِ۔
پسنی شار ئٹی بھلو تراک ئسے آن پد سُمکاری نا توار بننگ مسنے۔ پولیس تراک ئنا حوال ئے پک کرسا پارینے کہ تراک ئنا جاگہ و نسخان تا بابت ئٹ پٹ ئہ پول کننگ اُن۔
اندن کولواہ نا ہند مادگ قلات ئٹی ساڑی پاکستانی لشکر نا کیمپ آ سلاہ بند بندغ آک جلہو کرینو، جلہو اسہ ساہت آن زیات وخت برجاء مسنے و داوختا سُمکاری و تراک آتا توار بننگ مسنے۔
اندُن حب پولیس اسٹیشن آ بمب جلہو کننگانے۔ سٹی تھانہ نا بھلا گیٹ آ نادُرست آ موٹر سائیکل سوار آک چغلی بمب ئس خسیسہ نرانو، پولیس نا رد ئٹ دستی بمب جلہو ئٹی پین جانی نسخان متنے۔
اندُن تربت ناصر آباد ئٹی سلاہ بند بندغ آک جلہو کرسا پولیس اسٹیشن ئے بُن تسنو۔
خاران ئٹی گزی نا جہہ آ پاکستانی لشکر آ سلاہ بند بندغ آک بھلو جلہو ئس کرینو، شابیتی حوال تا بابت ئٹ پٹ ئہ پول مننگ ءِ۔
