بلوچ یکجہتی کمیٹی نا سروک و باسک آتیا کریک ڈاؤن و نرینہ ئہ نیاڑی باسک آتا دزگیریک برجاء اءُ۔ اینو ماہ زیب بلوچ و فوزیہ بلوچ ئے اُتھل برانز آن واپسی آ دزگیر کننگانے۔
دا رد ئٹ بلوچ یکجہتی کمیٹی اوتھل زون نا ترجمان بیان ئس شنگ کرسا پارینے کہ بلوچ سیاسی باسک آتا برخلاف کریک ڈاؤن برجاء ءِ اینو اِرا زالبول باسک ماہ زیب بلوچ و فوزیہ بلوچ ئے اُتھل برانز آن واپسی آ گڈانی کراس آ سیکورٹی لشکر دزگیر کرینے۔
ترجمان پارے کہ ریاست نا کنڈ آن زالبول باسک آتِہ چرجوئی ئٹ ٹک کننگ و دا مزاحمت ئے توننگ مایوسی نا ثبوت ءِ۔ ولے بلوچستان ثابت قدم ءِ، ہر دزگیری ننا عزم ئے سوگو کیک۔
