کوئٹہ نا ہند ڈبل روڈ آ پولیس موبائل نا خُڑک بمب تراک ئنا سوب آن اِرا کارندہ کھسکر و چھار پولیس کارندہ تون اوار 17 بندغ ٹپی مسنے۔
ٹپی آتِہ سول اسپتال نا ٹراما سینٹر آ دننگانے۔
ریسکیو کالخواہ تا پاننگ ءِ کہ بمب تراک آن پولیس وین ئے سخت نسخان مسنے و اسہ موٹر ئس ہشنگانے۔
یات مرے کہ استو آن بلوچستان ئٹی پاکستانی لشکر و پولیس، لیویز آ جلہو تیتون اوار بلوچستان نا جتا جتا ہند آتا ناکہ بندی نا رپورٹ ہم بسس۔
دا جلہوک ہمو وخت آ کننگانو کہ بلوچ راجدوست آتا پاننگ ءِ کہ 27 مارچ پاکستانی لشکر نا تاغت نا زور ئٹ بلوچستان نا کوزہ نا دے ءِ۔
بلوچستان ئٹی دن انگا دے تیا جلہوک ودیرہ۔
اندن نوشکی آن حوالءِ کہ نادُرست آ سلاہ بند بندغ آک نوشکی ٹی کیشنگی نا جہہ آ پاکستانی لشکر نا چوکی ئے جلہو ئٹی ٹک کرینو۔
