بلوچ یکجہتی کمیٹی نا سروک صبغت اللہ شاہ جی چاگڑدی حوالکاری تلہ ایکس آ اسہ بیان ئس شنگ کرسا پارینے کہ کوئٹہ بورڈ آفس نا مون آن اینو 9 زالبول دزگیر کرسا بیگواہ کننگانے۔
او پارے کہ شال ئے بلوچ آتیکن "نوگو ایریا” جوڑ کروک آک اسہ دے داکان نرنگ آ بیوس مرور۔ ریاست حالیت آتا خرابی نا ذمہ وار ءِ۔
او خبڑدار کرے کہ مخلوق ڈکھ و خار ئٹی ءِ، مُستی امن نا ضمانت نن تننگ کپنہ انتئے کہ اگہ الس مشتعل مس تو اوفتِہ توننگ کس ئنا وس ئٹ مروف۔ اگہ اندا ریاستی رویہ برجاء مس تو بروکا اِرا مُسہ دے ئٹی قوم ئنا کنڈ آن سخت ردعمل نا گمان ارے۔
شاہ جی پارے کہ ڈاکٹر ماہ رنگ بلوچ و بیبو بلوچ ئے جیل ئٹی جتا وڑ ئٹ بیم تننگ و فریشان کننگ ءُ، بیبرگ بلوچ ئے 3 ایم پی او نا تحت جیل ئٹ تخنگانے، سمی دین ہم ضمانت رسینگ آن پد ہم 3 ایم پی او نا تحت بندی ءِ۔ تدوکا دے تیٹ دزگیر مروک سنگت آک ہم دائسکان بندی ءُ۔
او پارے کہ ریاست تینا بدمعاشی نا قانودی و مہذب پن ئے 3 ایم پی او تخانے۔
