بلوچ لبریشن آرمی نا جارکش جیئند بلوچ میڈیا ٹی شنگ کروک تینا بیان ئسیٹی پارے کہ بی ایل اے نا سرمچارک قلات ئٹی اسہ جلہو ئسیٹی کوزہ گیر پاکستانی لشکرئے ٹک کرسا سخت جانی نسخان تسُر۔
او پارے کہ بی ایل اے نا سرمچارک قلات نا ہند ہربوئی ٹی کوزہ گیر پاکستانی لشکر نا قافلہ ٹی اوار اسہ گاڑی سے ریموٹ کنٹرول آئی ای ڈی جلہو ئٹ ٹک کریر، تراک ئٹی پنچ دشمن کارندہ ہمو جہہ آ مرگ ئنا گواچی مسر، و میجر رینک ئنا آفیسر تیتون اوار مُسہ کارندہ سخت ٹپی مسر و دشمن فوج ئنا گاڑی تیبہ غا بھس مس۔
جارکش پارے کہ کوزہ گیر پاکستانی لشکر درو ہربوئی و ہیب ئی کھیب ئٹ لشکر کشی کن مُسی گھام خلنگ نا کوشست کننگ اسک ہرادے سرمچارک جلہو ئٹی ٹک کریر اینو پدا واپس ہننگ کن بیوس کریر۔
جارکش پارے کہ بلوچ لبریشن آرمی دا جلہو نا زمہ واری ئے ہرفک۔
