شال آن حوال ءِ کہ پاکستانی لشکر گل زادی بلوچ نا اُراغا چھاپہ خلِسہ گِڑا تِہ پرغانے و المی آ گِڑا تِہ ہرفِسہ تینتو درینے۔
گل زادی بلوچ نا رد ئٹ درے نن پاکستانی لشکر، سی ٹی ڈی و پولیس نا کارندہ غاک اونا کوٹی نا کلف ئے پرغِسہ تہٹی پیہانو و گِڑا تِہ پرغِسہ المی آ گِڑا تِہ تینتو درینو ہرافتیٹی اونا کتاب آک، لیپ ٹاپ، ڈوکیومنٹ آک و پُچ آک اوار ءُ۔
خیال ئٹ مرے منَہ دے مُست گل زادی نا اُراغا پولیس و سی ٹی ڈی چھاپہ خلِسہ گل زادی بلوچ ئے دزگیر کریسر و تینتو دریسُر، و منَہ ساہت آن گڈ یلہ کریسُر۔
گل زادی نا پاننگ ءِ کہ اودے ہراتم دزگیر کننگا تو دا وختا اونا موبائل فون و کتاب آتِہ ہم پُھلنگا ہرافتِہ واپس تتنو و دائسکان فورسز کوالخواہ تتون ءُ۔
گلزادی نا پاننگ ءِ کہ دزگیری نا وختا فورسز کارندہ غاک کنے دڑکو تسر کہ ای بی وائی سی آن پیشتمتوٹ و چُپ متوٹ گُڑا کنے جانی و مالی نسخان تننگو۔
او پارے کہ ای دننگا دڑکو تیان نزور مروفٹ و پدی مروفٹ نئے کہ تینا سنگت و شہید آتا قربانی تیا سمجھوتا کروٹ۔
