شال آن رسینگوک حوال تا رد ئٹ استو ننکان یک بجہ نا وختا پاکستانی لشکر شال ئنا علاقہ جوائنٹ روڈ آ اسہ اُرا ئسے آ چھاپہ خلِسہ خلیل احمد بلوچ و اونا مار نوید احمد ئے دزگیر کرِسہ نادرستو جہہ ئسے آ درینے۔
پاکستانی لشکر نا دو آن بیگواہ کننگوک ہڑتُما باوہ مار ءُ ہرافتا دائسکان ہچو حوال ئس خاہوت ئے رسینگتنے۔
بیگواہ کننگوک نوید صوابی میڈیکل یونیورسٹی ٹی ایم بی بی ایس نا خوانندہ ئس ءِ و دا وخت چھٹی تیا تینا اُرا غا بسوسس ہرادے پاکستانی لشکر بیگواہ کرینے۔
یاتی مرے تدوکا منَہ دے ئٹی شال ئٹ دزگیر کننگ و زوراکی نا بیگواہی تا تدینی تیٹ ودکی مسنے۔ پاکستانی لشکر بلوچ یکجہتی کمیٹی نا تولوک برانز آتِہ توننگ کن سرچ آپریشن و بندغ آتِہ دزگیر کننگ ءِ۔
داکان مُست کوئٹہ بائی پاس، و بروری روڈ آن کیہی بندغ آتِہ دزگیر کرِسہ نادرستو جہہ ئسے آ دننگانے اندن 35 ئنا کچ بندغ بروری تھانہ ئٹ بند ءُ و اوفتِہ خننگ و اوڑدہی نا موکل دائسکان تننگ متنے۔
